ავსტრია კორონავირუსის გამო დაწესებული შეზღუდვების მოხსნას იწყებს. ამის შესახებ ინფორმაციას დოიჩე ველე ავრცელებს.

მათივე ცნობით, ქვეყანაში შეზღუდვები ეტაპობრივად მოიხსნება და კორონავირუსის გამო დახურული მაღაზიების გახსნით დაიწყება.

ავსტრია პირველი ქვეყანაა ევროპაში, რომელმაც განაცხადა, რომ შეზღუდვების მოხსნას იწყებს.

როგორც ცნობილია, ქვეყანაში კორონავირუსის გამო მკაცრი შეზღუდვები 16 მარტიდან იყო დაწესებული.

ბოლო მონაცემებით, ავსტრიაში კორონავირუსით ინფიცირების 14 ათასზე მეტი შემთხვევაა დადასტურებული. მათ შორის გარდაცვლილია 380-ზე მეტი ადამიანი და გამოჯანმრთელებულია 7 600-ზე მეტი.