აშშ-ს საპრეზიდენტო არჩევნებში გამარჯვებულ დონალდ ტრამპსა და რუსეთის პრეზიდენტ ვლადიმერ პუტინს შორის სატელეფონი საუბარი შედგა. როგორც BBC იტყობინება, ორი მხარე შეეცდება, რომ რუსეთსა და აშშ-ს შორის ურთიერთობის ნორმალიზება მოხერხდეს.

როგორც ტრამპმა პუტინთან საუბარში აღნიშნა, მას რუსეთთან მტკიცე ურთიერთობა სურს. კრემლი ინფორმაციით კი, ორი ქვეყნის ლიდერებმა სირიის საკითხიც განიხილეს და დაასკვნეს, რომ ამ მიმართულებით აშშ-რუსეთის ურთიერთობა ამ ეტაპზე დამაკმაყოფილებელი არ არის. მხარეები ასევე შეთანხმდნენ, რომ მოგვიანებით მათ შორის პირისპირ შეხვედრაც შედგება.

კრემლი არ აკონკრეტებს, რომელი მხარე იყო აღნიშნული საუბრის ინიციატორი. თუმცა, ტრამპის ოფისი ამბობს, რომ ზარი სწორედ რუსეთიდან განხორციელდა.