12 წლის ბრიტანელი ბიჭი ამბობს, რომ ევერესტის დასაპყრობი მანძილი სახლიდან გაუსვლელად, თავის კიბეებზე გაიარა. ზღვის დონიდან ევერესტის სიმაღლე 8 858 მეტრია.

სეთ ჩარლზი 24 საათის განმავლობაში კიბეზე 2 507-ჯერ ავიდა და ჩამოვიდა და 3,53 მეტრის სიმაღლის კიბეზე 85 238 ნაბიჯი გააკეთა.

"ისე დავიღალე, რომ უბრალოდ ძილი მინდოდა. ფეხები მტკივა, მაგრამ თავს კარგად ვგრძნობ", — თქვა მან.

სეთ ჩარლზმა ახალი გამოწვევა მას შემდეგ დაისახა, რაც კორონავირუსის გამო სკოფელ პაიკზე ცოცვას ვეღარ შეძლებდა. სეთის დედა, რეიჩელ ჩარზლი ამბობს, რომ ბიჭმა კიბეებზე ასვლა დილის 05:30 საათზე და იწყო და მეორე დღეს, 04:45-ზე დაასრულა.

"უბრალოდ არ მჯეროდა, რომ ის აგრძელებდა სიარულს. მე მის გვერდით ვიყავი და დათვლაში ვეხმარებოდი", — ამბობს სეთის დედა.

მისვე თქმით, ბიჭი, რომელიც ბოქსითაა გატაცებული მხოლოდ საჭმლისთვის გაჩერდა. მას უმცროსი დაც ამხნევებდა, რომელიც ასევე თვლაში ეხმარებოდა.

სეთი შეფილდის ბოქსის ცენტრში ვარჯიშობს და წინა წელს ეროვნული ჩემპიონატის ფინალშიც გავიდა. ის და მისი ჯგუფი ფულს აგროვებენ, რათა სან-ფრანცისკოში სავარშიჯო შეკრებაზე გაემგზავრონ, თუმცა მოგზაურობა შეიძლება პანდემიის გამო გადაიდოს.