თეთრი ხმაურის მოძრაობის ფეისბუკ გვერდზე გავრცელებული განცხადების თანახმად, თავიანთი საგანგებო შეხვედრის დაწყებამდე, მათი კიდევ ერთი აქტივისტი გიორგი კიკონიშვილი გაჩხრიკეს:

"შეხვედრაზე მომავალი მოძრაობის კიდევ ერთი აქტივისტი, გიორგი კიკონიშვილი პატრულის თანამშრომლებმა ტაქსიდან გადმოიყვანეს და საფუძვლიანად გაჩხრიკეს. პოლიციის თანამშრომლების კითხვები გიორგის მიმართ კანონსაწინააღმდეგო ნივთიერებების ფლობას შეეხებოდა. აღსანიშნავია, რომ ტაქსის მძღოლისადმი პატრულს ინტერესი არ გამოუვლენია, მათი ძირითადი სამიზნე სწორედ მოძრაობის წარმომადგენელი გახლდათ. მას შემდეგ რაც გიორგი კიკონიშვილს კანონსაწინააღმდეგო არაფერი აღმოაჩნდა ის გაათავისუფლეს".

მოძრაობა დღევანდელ ფაქტსა და ბოლო პერიოდში გახშირებულ დაკავებებზე უახლოეს მომავალში საგანგებო განცხადებას გაავრცელებას აანონსებს.

14 ნოემბერს ქუთაისის აეროპორტში თეთრი ხმაური მოძრაობის ერთ-ერთი წევრი ქეთა გაბუნია ხუთ თანმხლებ პირთან ერთად, კრიმინალურმა პოლიციამ გაჩხრიკა და ნარკოტიკებზე შესამოწმებლად ქუთაისის საავადმყოფოში, ტომოგრაფიის გასაკეთებლად გადაიყვანა.