დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ეკონომიკის მინისტრი ნათია თურნავა განმარტავს, რომ საკარანტინო სივრცეების მარაგის პრობლემა არ აქვთ. მისი თქმით, ამ ეტაპზე საქართველოს მასშტაბით 86 სასტუმროში კარანტინშია 4 682 ადამიანი, თუმცა რეზერვი ჯერ კიდევ არის, რადგან მათ კარანტინისთვის მობილიზებული აქვთ 6 568 სასტუმრო ოთახი.

"ეს იმას ნიშნავს, რომ ჩვენ ყოველთვის გვაქვს გარკვეული რეზერვი, რომელიც აუცილებელია, გამომდინარე იქიდან, თუკი გაუარესდა ვითარება; როგორც მედიკოსები ვარაუდეობენ, ველოდებით პიკს და ეს რეზერვი მზადყოფნაში გვქონდეს", — განაცხადა მან.

ბოლო მონაცემებით, საქართველოში კორონავირუსით ინფიცირების 12 ახალი შემთხვევაა და ჯამში ინფიცირებულია 208 ადამიანი. აქედან გარდაცვლილია 3, ხოლო გამოჯანმრთელებულია 48. კარანტინის რეჟიმში 4 682 პირი რჩება, ხოლო, სტაციონარში მეთვალყურეობის ქვეშ 375 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: