დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

პრემიერ-მინისტრის ხელმძღვანელობით მოქმედი უწყებათაშორისი საკოორდინაციო საბჭო სხდომები ვიდეოკონფერენციის რეჟიმში ჩატარდება. მთავრობის პრესსამსახურის განცხადებით, გადაწყვეტილება ხალხმრავალი შეკრების თავიდან აცილების მიზნით მიიღეს.

მათი ინფორმაციით, საბჭოს მუშაობაში მონაწილეობას მიიღებს მთავრობის ყველა შესაბამისი უწყება, საქართველოს პარლამენტი და პრეზიდენტის ადმინისტრაცია. მათივე თქმით, სხდომის დასრულების შემდეგ, საბჭოს წევრების საინფორმაციო ბრიფინგები გაიმართება.

უწყებათაშორისი საკოორდინაციო საბჭო კორონავირუსთან საბრძოლველადაა შექმნილი. აქამდე სხდომები მთავრობის ადმინისტრაციაში მთავრდებოდა და დასრულების შემდეგ ბრიფინგები იმართებოდა.

საქართველოში კორონავირუსით ინფიცირების 7 ახალი შემთხვევაა და ჯამში ინფიცირებულთა რაოდენობა 195-მდე გაიზარდა. ამის შესახებ ინფორმაცია StopCov.ge-ზეა მოცემული.

დადასტურებულ შემთხვევებს შორის გამოჯანმრთელებულია 39 ადამიანი. ინფიცირებულებს შორის კი გარდაცვლილია 2 პირი. კარანტინის რეჟიმში 4 735 პირი რჩება, ხოლო, სტაციონარში მეთვალყურეობის ქვეშ 383 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: