ბულგარეთის ქალაქ ბურგასიდან დღეს, პირველ აპრილს საქართველოს 102 მოქალაქე დაბრუნდა. ეკონომიკის სამინისტროს განცხადებით, ჩამოსული პირები 14-დღიან სავალდებულო კარანტინს გაივლიან.

სამინისტროსვე თქმით, რეისმა ასევე ჩამოიყვანა საქართველოს გადამზიდავი კომპანიების მძღოლები, რომლებსაც ბულგარეთის მხარემ, ქვეყანაში არსებული საკარანტინო შეზღუდვის გამო, ბორანზე ასვლისა და საკუთარ ავტომობილებთან ერთად გამომგზავრების უფლება არ მისცა.

გარდა ამისა, ჩარტერული რეისით დაბრუნდნენ საქართველოს ის მოქალაქეებიც, რომლებმაც ბულგარეთი-თურქეთის საზღვარზე საავტომობილო მიმოსვლის შეფერხების გამო, ვერ შეძლეს ჩამოსვლა.

ბულგარეთიდან ჩარტერული რეისი ავიაკომპანია Myway Airlines-მა შეასრულა.