საქართველოს სავიზო ლიბერალზიაციისათვის, განახლებული შეჩერების მექანიზმის დაწესების შესახებ მოლაპარაკებები მომავალ კვირას გაგრძელდება. ამის შესახებ რადიო თავისუფლების ბრიუსელის ბიუროს კორესპონდენტი რიკარდ იოზვიაკი ტვიტერის საკუთარ გვერდზე წერს. მისივე ვარაუდით, სავიზო ლიბერალიზაცია საქართველოსა და უკრაინისთვის თებერვალ-მარტამდე არ ამოქმედდება.

ევროკავშირის საბჭოს განცხადებით, 2016 წლის 5 ოქტომბერს, ევროკავშირის წევრი ქვეყნების მუდმივი წარმომადგენლები (Coreper), საბჭოს სახელით შეთანხმდნენ საქართველოსთვის სავიზო ლიბერალიზაციის მინიჭების საკითხზე. თუმცა, საბჭოს მიაჩნია, რომ შეთანხმება ძალაში მაშინ შევა, როდესაც განახლებული შეჩერების მექანიზმი ამოქმედდება.

შეჩერების გამარტივებული მექანიზმის ამოქმედება, ევროკავშირის წევრ ქვეყნებში, საჭიროების შემთხვევაში ჭარბ მიგრაციულ ნაკადებს შეაჩერებს.