დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ვიცე-პრემიერისა და ინფრასტრუქტურის მინისტრის, მაია ცქიტიშვილის თქმით, ქვეყანაში სურსათით, მედიკამენტებითა და სხვა აუცილებელი პროდუქტებით მომარაგებასთან დაკავშირებით შეფერხება არაა. მინისტრმა მოქალაქეებს მოუწოდა, რომ შეინარჩუნონ სიმშვიდე და ჰქონდეთ მათ შორის მთავრობის ნდობა. ამ თემაზე მან სპეციალურ ბრიფინგზე ისაუბრა.

"ძალიან დიდი თხოვნით მივმართავ ყველას, შევინარჩუნოთ სიმშვიდე, გვქონდეს მათ შორის, მთავრობის მიმართ ნდობა, როცა ხედავთ, რომ ჩვენი მაღაზიების თაროები არ არის ცარიელი და თუ ცარიელდება მაშინვე ივსება. მოდით შევინარჩუნოთ სიმშვიდე, არ მივაწყდეთ მაღაზიებს, გავუფრთხილდეთ ერთმანეთის ჯანმრთელობასაც, რადგან სასურსათო მაღაზიების რიგშიც დიდია ინფიცირების რისკი", — თქვა მაია ცქიტიშვილმა.

დღეს, 30 მარტს ქვეყნის მასშტაბით კარანტინის ზომები გამკაცრდა. 31 მარტიდან იკრძალება სამზე მეტი ადამიანის შეკრება და საზოგადოებრივი ტრანსპორტით გადაადგილება. ასევე, საღამოს ცხრა საათიდან დილის ექვს საათამდე მოქალაქეთა ნებისმიერი გადაადგილება აკრძალულია.

"ფაქტობრივი კარანტინი და კომენდანტის საათი" — რა შეზღუდვები დაწესდა და რისი უფლება გაქვთ

დღეს, 30 მარტს პრემიერ-მინისტრმა, გიორგი გახარიამ განაცხადა, რომ საგანგებო მდგომარეობის ფარგლებში ზომები მნიშვნელოვნად გამკაცრდება. მისი თქმით, "ფაქტობრივად კარანტინს" აცხადებენ, რომელიც ხვალ, 31 მარტის 8 საათიდან ამოქმედდება და ასევე "ფაქტობრივ კომენდანტის საათს" ითვალისწინებს.

რაც შეეხება შეზღუდვებს:

გარდა ამისა უწყებათაშორისი საბჭოს გადაწყვეტილებების განსახორციელებლად ოპერატიული მართვის შტაბი შეიქმნა. ასევე, 7 ქალაქში პირთა გადაადგილების კონტროლისა და თერმოსკრინინგისთვის საკონტროლო პუნქტები მოეწყობა. ესენია: თბილისი, ქუთაისი, ბათუმი, რუსთავი, ფოთი, ზუგდიდი და გორი.

სხვა შეზღუდვები და სიახლეები:

პრემიერმა განაცხადა, რომ ზემოთაღნიშნულ შეზღუდვები ისევე, როგორც სხვა პრევენციული ღონისძიებები ტარდება იმისთვის, რომ "უხერხულობა არ შევუქმნათ არც ჩვენს მრევლს, არც ეკლესიას და არც რიგით მოქალაქეებს." მისივე თქმით, სურვილი აქვთ არსებულ სიტუაციას აღდგომის დღესასწაულებამდე გაუმკლავდნენ, თუმცა გარანტიები არ არსებობს.

საქართველოში კორონავირუსით ინფიცირების შემთხვევები 100-მდე გაიზარდა. მთავრობისა და სამედიცინო სფეროს წარმომადგენლების თქმით, უკვე დაფიქსირდა შიდა გავრცელება და 3 პირის ინფიცირების წყარო უცნობია.

პრემიერ-მინისტრის თქმით, ინფიცირებულს შორისაა სამედიცინო სექტორის წარმომადგენელი, რომელსაც ვირუსი სამსახურებრივი მოვალეობის შესრულების დროს გადაედო.

საქართველოში კორონავირუსისგან 18 პაციენტი გამოჯანრმთელდა. კარანტინის რეჟიმშია 4 978, სტაციონარში მეთვალყურეობის ქვეშ — 266.