დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

საქართველოს შინაგან საქმეთა სამინისტროს ინფორმაცით, საგანგებო მდგომარეობის რეჟიმის დარღვევის ფაქტზე კახეთის პოლიციამ 3 000 ლარით დააჯარიმა ადამიანი, რომელსაც, აკრძალვის მიუხედავად, საქალაქთაშორისო მგზავრები გადაჰყავდა.

გარდა ამისა, უწყების ინფორმაციით, მცხეთა-მთიანეთის, ქვემო ქართლის, სამცხე ჯავახეთის და აჭარის რეგიონებში თვითიზოლაციის წესების დარღვევის 6 ახალი ფაქტი გამოვლინდა. ყველა მათგანი დააჯარიმეს და საკარანტინო ზონებში იძულებით გადაიყვანეს.

საქართველოში საგანგებო მდგომარეობა 21 მარტს, ერთი თვის ვადით გამოცხადდა. სამარშუტო ტაქსებით გადაადგილება კი მანამდე, 18 მარტს აიკრძალა და საგანგებო მდგომარეობის პირობებშიც დარჩა. შეზღუდვა ეხება როგორც თბილისს, ასევე რეგიონებს და საქალაქთაშორისო გადაყვანებს. გამონაკლისია მხოლოდ სოფლიდან რაიონის ცენტრში და პირიქით მგზავრობა.

საგანგებო მდგომარეობის რეჟიმის დარღვევისთვის ფიზიკური პირებისთვის ჯარიმა 3 000 ლარია, ხოლო იურიდიული პირებისთვის — 15 000 ლარი. განმეორებით ჩადენილი იგივე ქმედების შემთხვევაში, დამრღვევს ემუქრება სისხლის სამართლებრივი პასუხისმგებლობა 3 წლამდე თავისუფლების აღკვეთის ვადით.

საქართველოში კორონავირუსით ინფიცირების 85 დადასტურებული შემთხვევაა, აქედან 14 უკვე გამოჯანმრთელდა. კარანტინის რეჟიმში იმყოფება 4641 ადამიანი, ხოლო სტაციონარში მეთვალყურეობის ქვეშ — 239.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: