შინაგან საქმეთა სამინისტროს განცხადებით, მარნეულში 1996 და 1999 წელს დაბადებული ორი პირი დააკავა. უწყების ინფორმაციით, მათ ბრალი პოლიციელის მიმართ წინააღმდეგობაში, საზოგადოებრივი წესრიგის დაცვისთვის ხელის შეშლასა და სამართალდამცველთა საქმიანობის შეწყვეტის ან შეცვლის მიზნით ჩადენილ ძალადობაში ედებათ.

გამოძიების მტკიცებით, 23 მარტს ბრალდებულებმა, რომლებიც ნასვამები იყვნენ, პოლიციელებსა და საგანგებო სიტუაციების მართვის სამსახურის თანამშრომლებს, სამსახურებრივი მოვალეობის შესრულებისათვის ხელის შეშლისთვის, სიტყვიერი და ფიზიკური შეურაცხყოფა მიაყენეს.

გამოძიება საქართველოს სისხლის სამართლის კოდექსის 353-ე მუხლის მე-2 ნაწილით მიმდინარეობს. დანაშაული 4-დან 7 წლამდე ვადით თავისუფლების აღკვეთას ითვალისწინებს.