რუსეთის პრეზიდენტი, ვლადიმერ პუტინი აშშ-ს ახალ პრეზიდენტს, რესპუბლიკელ დონალდ ტრამპს, გამარჯვებას ულოცავს. კრემლის პრესსამსახურის ინფორმაციით, პუტინი იმედს გამოთქვამს, რომ ახლა რუსეთ-ამერიკის ურთიერთობის კრიზისული სიტუაციიდან გამოყვანა შესაძლებელი გახდება. ინფორმაციას რუსული საინფორმაციო სააგენტო Tass ავრცელებს.

რუსეთის პრეზიდენტი ასევე დარწმუნებულია, რომ მოსკოვსა და ვაშინგტონს შორის კონსტრუქციული დიალოგის წარმართვა, რომელიც თანაბარი უფლებების პრინციპზე იქნება აგებული, ორი ქვეყნისა და მსოფლიო ინტერესებს ემსახურება.