როიტერის ცნობით, დონალდ ტრამპის საარჩევნო კამპანიის ხელმძღვანელებმა ნევადას სასამართლოში სარჩელი შეიტანეს. მათი მტკიცებით, შტატის ერთ-ერთ ოლქში საარჩევნო უბანზე ამომრჩეველთა რეგისტრატორმა კანონი დაარღვია.

ტრამპის საარჩევნო შტაბის წარმომადგენლები აცხადებენ, რომ საარჩევნო ადმინისტრაციამ ნევადას შტატის კანონი დაარღვიეს, როდესაც ხალხს უფლება მისცეს რიგი დაეკავებინათ საღამოს 8 საათის შემდეგაც.

ნევადას შტატის კანონმდებლობით, ამომრჩეველი, რომელიც რიგს საღამოს 8 საათამდე დაიკავებს, საარჩევნო საათების დასრულების შემდეგაც იღებს ხმის მიცემის უფლებას.

ნევადას შტატში ხმის მიცემა 1 კვირით ადრე დაიწყო, თუმცა მთავარი კენჭისყრა დღეს იმართება.

შტატის წარმომადგენელმა CNN-თან საუბარში განაცხადა, რომ საარჩევნო უბანთან გრძელი რიგი იყო, ხოლო უბნის დაკეტვის დროს, მათ ხმის მიცემის უფლება რაც შეიძლება მეტ ადამიანს მისცეს.