საერთაშორისო გამჭვირვალობა - საქართველომ თანამდებობის პირების ქონებრივი დეკლარაციები შეისწავლა და გამოავლინა შემთხვევები, როდესაც თანამდებობის პირების ოჯახის წევრები დასაქმებულნი არიან იმავე ან აღნიშნულ უწყებასთან დაკავშირებულ ადმინისტრაციულ ორგანოებში.

TI-ის ცნობით, ასეთი შემთხვევების უმეტესობა ადგილობრივი თვითმმართველობის ორგანოებში გამოვლინდა:

"ჩვენ ყურადღება გავამახვილეთ ისეთ ფაქტებზე, როდესაც თანამდებობაზე დანიშვნის დროს, თანამდებობის პირის ოჯახის წევრი საჯარო სამსახურში არ მუშაობდა. საქართველოს სხვადასხვა რეგიონში 70-მდე ასეთი შემთხვევა დაფიქსირდა.

TI დასძენს, რომ ქვემოთ წარმოდგენილი შემთხვევები აუცილებლად არ გულისხმობს, რომ საჯარო სამსახურში დასაქმება კონკურსის წესის გვერდის ავლით ან მისი დარღვევით მოხდა და მიზნად არ ისახავს კონკრეტული პირების პროფესიონალიზმისა და კეთილსინდისიერების ეჭვქვეშ დაყენებას.

მაგალითად, თბილისში, 2014 წლის დეკლარაციით მეგი კალატოზი ისნის გამგეობის სოციალურ საკითხთა განყოფილების უფროსის თანამდებობაზე მუშაობდა. 2015 წლის დეკლარაციით მისი დედა მარინა დავითულიანი, ნავთლუღის ტერიტორიული მართვის სამსახურის უფროსის პოზიციაზე დაინიშნა.

2016 წლის დეკალრაციით, მეგი კალატოზი ისნის რაიონის გამგეობაში, ნავთლუღის საუბნო განყოფილების უფროსის გამგებლის წარმომადგენელი გახდა. ამავე წლის დეკლარაციით, მისი დედა მარინა დავითულიანი ამავე უწყების, ისნის რაიონის გამგეობაში ექსპერტ-კონსულტანტი გახდა.

საჯარო სამსახურში დასაქმებულ თანამდებობის პირთა ოჯახის წევრების სრული სიას იხილეთ საერთაშორისო გამჭვირვალობის ვებგვერდზე.