უკრაინელ მსახიობს ოლგა კურილენკოს კორონავირუსის ინფექცია დაუდასტურდა. ის ერთ-ერთი ბოლო ვარსკვლავია, რომელსაც ვირუსი აღმოაჩნდა.

40 წლის მსახიობი ცნობილია ჯეიმს ბონდის ფილმ Quantum of Solace-ში შესრულებული როლით. მან დიაგნოზის შესახებ ინსტაგრამზე დაწერა:

"კორონავირუსის ტესტმა დადებითი პასუხი აჩვენა და სახლში ვარ გამოკეტილი. თითქმის ერთი კვირაა, რაც ცუდად ვარ. ჩემი მთავარი სიმპტომებია სიცხე და გადაღლილობა. მოუფრთხილდით საკუთარ თავებს და ამ პრობლემას სერიოზულად მიუდექით".

კორონავირუსი დაუდასტურდათ ტომ ჰენკსსა და მის ცოლს, რიტა ვილსონს. ისინი ავსტრალიაში იმყოფებიან და იქ გადიან მკურნალობას. ინფექცია დაუდგინდა კანადის პრემიერმინისტრის, ჯასტინ ტრუდოს ცოლსაც.