იტალიაში კორონავირუსით უკვე 1 016 ადამიანი გარდაიცვალა. ქვეყნის მასშტაბით კი COVID-19-ით დაინფიცირების 15 ათასზე მეტი შემთხვევა დაფიქსირდა.

იტალიის საგარეო საქმეთა მინისტრის, ლუიჯი დი მაიოს თქმით, მიღებულმა ზომებმა შედეგი გამოიღო. მისი თქმით, მას შემდეგ რაც იტალიის ჩრდილოეთით 10 ქალაქი ე.წ. წითელ ზონად გამოცხადდა, იქ დაინფიცირების ახალი შემთხვევები აღარ ჰქონიათ.

ევროპის კონტინენტზე იტალიაში კორონავირუსი ყველაზე სწრაფად გავრცელდა. რამდენიმე დღის წინ მთელი ქვეყანა ე.წ. წითელ ზონად გამოცხადდა. მკაცრად კონტოლდება როგორც ქალაქებში, ისე ქალაქებს შორის გადაადგილებაც.

იტალიის მიმართულებით რამდენიმე ავიაკომპანიამ ფრენები უკვე შეაჩერა.

პანდემია და რეკომენდაციები

მას შემდეგ, რაც ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა, საქართველოს მთავრობა მუშაობის საგანგებო რეჟიმზე გადავიდა და ახალი შეზღუდვები და რეკომენდაციები გაავრცელა.

საქართველოში კორონავირუსით ინფიცირების 25 შემთხვევაა დადასტურებული: პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს, 7 მარტს კორონავირუსით ინფიცირების კიდევ 4 შემთხვევა დადასტურდა, 9 მარტს კორონავირუსი 2 პაციენტს დაუდასტურდა, 10 მარტს კი კორონავირუსის კიდევ 8 შემთხვევა დადასტურდა, კიდევ 1 შემთხვევა კი — 11 მარტს, 25-ე შემთხვევა 12 მარტს დადასტურდა.

ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: