დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

დაავადებათა კონტროლის ცენტრის დირექტორი, ამირან გამყრელიძე ჰოსპიტალურ და ფარმაცევტულ კერძო კომპანიებს მიმართავს და მოუწოდებს, რომ სოლიდარულები იყვნენ.

"არ ვისარგებლოთ ამ მდგომარეობით, როცა მთელ მსოფლიოში დეფიციატია დამცველი საშუალებების, არ ვისარგებლოთ ამითი და ვიყოთ სოლიდარული. ხელი შევუწყოთ, რომ მოსახლეობას მეტი ფინანსური ხელმისაწვდომობა ჰქონდეს ყველა იმ საჭირო მედიკამენტურ თუ სამედიცინო საშუალებებზე, რომელიც საჭიროა ამ ინფექციასთან ბრძოლისთვის", — განაცხადა გამყრელიძემ ბრიფინგზე.

ჩინეთსა და ევროპის ქვეყნებში კორონავირუსის გავრცელების შემდეგ მაღაზიებსა და აფთიაქებში პირბადეების, ანტისეპტიკური საშუალებებისა და სხვა დამცავი ნივთების დეფიციტია. მოქალაქეების ნაწილი სოციალურ ქსელში წერდა, რომ პირბადეები იმაზე ბევრად ძვირად იყიდა, ვიდრე ეს ჩვეულებრივ დროს იყო შესაძლებელი.

საქართველოში კორონავირუსით ინფიცირების 25 შემთხვევაა დადასტურებული: პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს, 7 მარტს კორონავირუსით ინფიცირების კიდევ 4 შემთხვევა დადასტურდა, 9 მარტს კორონავირუსი 2 პაციენტს დაუდასტურდა, 10 მარტს კი კორონავირუსის კიდევ 8 შემთხვევა დადასტურდა, კიდევ 1 შემთხვევა კი — 11 მარტს, 25-ე შემთხვევა 12 მარტს დადასტურდა.

ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

მას შემდეგ, რაც ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა, საქართველოს მთავრობა მუშაობის საგანგებო რეჟიმზე გადავიდა და ახალი შეზღუდვები და რეკომენდაციები გაავრცელა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: