დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

"ჩემთან მიმართებაში საშიში არ არის", — ასე პასუხობს ჯანდაცვის მინისტრი ეკატერინე ტიკარაძე ჟურნალისტების კითხვას მის თანაშემწეზე, რომლის ქმარსაც კორონავირუსი დაუდგინდა. ტიკარაძე განმარტავს, რომ მისი თანაშემწე უკვე თვითიზოლაციაში იყო მაშინ, როცა ქმარს კორონავირუსი დაუდასტურდა, ამიტომ იმის შანსი, რომ ქალიც ინფიცირებული იყოს ძალიან დაბალია.

"მიუხედავად ამისა, ჩვენ მივიღეთ პრევენციული ღონისძიებები და თანაშემწე უკვე ერთი კვირაა აღარ იმყოფება სამინისტროში. ეს გვაძლევს საფუძველს იმედი გვქონდეს, რომ მასაც არ დაუფიქსირდება. თუმცა, ჩვენ პრევენციულად ჩავუტარეთ მას ტესტი, რომელიც იყო ნეგატიური კორონავირუსზე", — განაცხადა მან.

მას შემდეგ, რაც ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა, საქართველოს მთავრობა მუშაობის საგანგებო რეჟიმზე გადავიდა და ახალი შეზღუდვები და რეკომენდაციები გაავრცელა.

საქართველოში კორონავირუსით ინფიცირების 24 შემთხვევაა დადასტურებული: პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს, 7 მარტს კორონავირუსით ინფიცირების კიდევ 4 შემთხვევა დადასტურდა, 9 მარტს კორონავირუსი 2 პაციენტს დაუდასტურდა, 10 მარტს კი კორონავირუსის კიდევ 8 შემთხვევა დადასტურდა, კიდევ 1 შემთხვევა კი — 11 მარტს.

ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: