დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

დაავადებათა კონტროლის ცენტრის დირექტორის მოადგილის, პაატა იმნაძის განცხადებით, კორონავირუსის პრევენციისთვის შეზღუდვები გაიზრდება. ჟურნალისტების კითხვაზე, რას შეეხება ეს შეზღუდვები, იმნაძე პასუხობს: "მაგალითად, ეს არის, პირველ რიგში, 100-კაციანი ქორწილები, ქელეხები".

იმნაძის განმარტებით, მოსახლეობა მზად უნდა იყოს იმისთვის, რომ მთავრობამ, შესაძლოა, დიდი თავყრილობები აკრალოს და მსგავსი შეზღუდვები დააწესოს.

"ყველაფერი დამოკიდებულია სიტუაციაზე. ჩვენ არ გვინდა მივიდეთ ისეთ სიტუაციამდე, როგორამდეც მივიდა ზოგიერთი ევროპული ქვეყანა და მერე გამოაცხადეს ასეთი ღონისძებები", — ასე უპასუხა მან კითხვას საგანგებო მდგომარეობის გამოცხადების შესახებ.

მას შემდეგ, რაც ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა, საქართველოს მთავრობა მუშაობის საგანგებო რეჟიმზე გადავიდა და ახალი შეზღუდვები და რეკომენდაციები გაავრცელა.

საქართველოში კორონავირუსით ინფიცირების 24 შემთხვევაა დადასტურებული: პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს, 7 მარტს კორონავირუსით ინფიცირების კიდევ 4 შემთხვევა დადასტურდა, 9 მარტს კორონავირუსი 2 პაციენტს დაუდასტურდა, 10 მარტს კი კორონავირუსის კიდევ 8 შემთხვევა დადასტურდა, კიდევ 1 შემთხვევა კი — 11 მარტს.

ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: