იტალიის ჩრდილოეთ რეგიონში ექიმთა ასოციაციის ხელმძღვანელი, რობერტო სტელა, კორონავირუსით გარდაიცვალა. ამის შესახებ ინფორმაციას CNN ავრცელებს.

მედიის ინფორმაციით, 67 წლის სტელა კომოს საავადმყოფოში დაიღუპა, სადაც კორონავირუსის გამო სუნთქვის უკმარისობით იყო გადაყვანილი.

რობერტო სტელას გარდაცვალებასთან დაკავშირებით მწუხარებას გამოთქვამს იტალიის ექიმთა და პრაქტიკოსთა ფედერაცია და აცხადებს, რომ მთავრობამ ყურადღება უნდა მიაქციოს იმ საფრთხეს, რომლის წინაშეც იტალიელი ექიმები და ექთნები დგანან.

ბოლო მონაცემებით, იტალიაში კორონავირუსით გარდაცვლილთა რიცხვი 827-ს შეადგენს, ინფიცირებულთა კი — 12 462-ს.

ჯანდაცვის მსოფლიო ორგანიზაციამ COVID-19, იგივე კორონავირუსი, რომელმაც გავრცელება 3 თვის წინ დაიწყო, 11 მარტს საერთაშორისო პანდემიად გამოაცხადა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: