დაავადებათა კონტროლის ცენტრის ცხელი ხაზი 116 001

ჯანდაცვის სამინისტროს ცხელი ხაზი 15 05

დაავადებათა კონტროლის ცენტრის დირექტორის, ამირან გამყრელიძის ინფორმაციით, დღეს საღამოს დადასტურებული კორონავირუსით ინფიცირებული 5 პირი ერთად იმყოფებოდა იტალიაში.

"ეს გახლავთ ე.წ. ერთი კლასტერი, ანუ ერთანეთთან დაკავშირებული შემთხვევები. ძირითადად ოჯახური შემთხვევებია. ყველა ერთად გახდნენ იტალიაში და დაბრუნდნენ კვირას საქართველოში", — განაცხადა მან.

გამყრელიძის განმარტებით, მას შემდეგ რაც ინფიცირების მეოთხე შემთხვევა დადასტურდა, ეპიდემიოლოგები კონტაქტების დადგენაზე მუშაობდნენ და ზოგიერთი მათგანი შეაფასეს, როგორც შესაძლებელი შემთხვევა. მისი თქმით, ბიოლოგიური ნიმუშის აღების შემდეგ 5 აღმოჩნდა დადებითი.

გამყრელიძის განცხადებით, ამ შემთხვევების კლინიკური მიმდინარეობა ამ ეტაპზე დამაკმაყოფილებელია.

ამ ეტაპზე საქართველოში კორონავირუსით ინფიცირების 9 შემთხვევაა დადასტურებული. პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს. ამასთანავე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: