დაავადებათა კონტროლის ცენტრის ცხელი ხაზი 116 001

ფინანსთა მინისტრის, ვანო მაჭავარიანის თქმით, ყოველდღიურად იტალიასთან ფრენების შეწყვეტის საკითხს განიხილავენ, თუმცა გადაწყვეტილება ჯერ მიღებული არაა. ამის შესახებ მან მთავრობის სხდომის დასრულების შემდეგ ჟურნალისტებთან განაცხადა.

ჯანდაცვის მინისტრის, ეკატერინე ტიკარაძის განცხადებით კი ჯერ არ იძლევიან რეკომენდაციას ფრენების შეწყვეტასთან დაკავშირებით. მისი თქმით, დარწმუნებული არიან, რომ სიტუაციის კონტროლი შეუძლიათ.

მაჭავარიანის თქმით, მთავრობა შეეცდება, რომ ეკონომიკაზე შეარბილოს ის დარტყმა, რომელიც კორონავირუსის პოტენციურ გავრცელებას შეიძლება მოჰყვეს:

"ვიმედოვნებ, რომ ეს სრული მასშტაბით არ მოხდება და ჩვენ მოკლევადიანი შეფერხება გვექნება, რომელიც შეძილება მაქსიმალურად მოკლე ვადებში მოწესრიგდეს", — განაცხადა მაჭავარიანმა.

მსოფლიოში კორონავირუსით 95 000 ადამიანზე მეტია დაინფიცირებული, გარდაცვლილთა რაოდენობა კი 3 200 ადამიანზე მეტია. ვირუსი მსოფლიოს 84 ქვეყანაშია გავრცელებული. გამოჯანმრთელებული პაციენტების რაოდენობა კი 53 688-ია.

მაღალი რისკის ქვეყნებად ჩინეთი, სამხრეთ კორეა, ირალია და ირანია მიჩნეული. იტალიაში კორონავირუსის უკვე სამი ათასზე შემთხვევაა დაფიქსირებული და 107 ადამიანი გარდაიცვალა.

გაიგეთ მეტი კორონავირუსის პრევენციის შესახებ: