შინაგან საქმეთა სამინისტროს ცნობით, მესტიაში, მწვერვალ თეთნულდზე ჩამოწოლილი ზვავის შედეგად დაშავებული სამი ტურისტიდან ერთის მდგომარეობა მძიმეა. მაშველებმა იგი ღუდუშაურის კლინიკაში გადაიყვანეს, სადაც შესაბამისი სამედიცინო დახმარება უტარდება.

დაშავებული ტურისტი მეხანძრე-მაშველებმა და გადაუდებელი დახმარების ცენტრის ექიმებმა, სასაზღვრო პოლიციის ვერტმფრენით მესტიიდან თბილისში გადაიყვანეს.

მწვერვალ თეთნულდზე დაკარგული იყო 6 ადამიანი. ტურისტული ჯგუფის დაკარგული წევრები მთის კურორტების განვითარების კომპანიის მაშველებმა იპოვეს. შემთხვევის შედეგად გარდაცვლილია 3 ტურისტი.

მთის კურორტების განვითარების კომპანიის ინფორმაციით, ტურისტები აკრძალულ ზონაში სრიალებდნენ, რამაც ზვავის მოწყვეტა გამოიწვია.