დაავადებათა კონტროლის ცენტრის ცხელი ხაზი 116 001

ბოლო 24 საათის განმავლობაში ჩინეთს გარეთ კორონავირუსის თითქმის 9-ჯერ მეტი შემთხვევა დაფიქსირდა, ვიდრე ჩინეთში. ამის შესახებ ინფორმაციას CNN მსოფლიო ჯანდაცვის ორგანიზაციაზე (WHO) დაყრდნობით ავრცელებს.

WHO-ს გენერალურმა დირექტორმა ბრიფინგზე განაცხადა, რომ ვირუსი სწრაფად ვრცელდება კორეის რესპუბლიკაში, იტალიაში, ირანსა და იაპონიაში.

"ჩვენ გვესმის, რომ ხალხი მსჯელობს არის თუ არა ეს პანდემია. ჩვენ ყოველდღიურად ვაკვირდებით სიტუაციას და ვაანალიზებთ მონაცემებს. WHO არ დააყოვნებს, რომ დაასახელოს ეს პანდემიად, თუ ამას მტკიცებულებები იტყვის", — თქვა WHO-ს გენერალურმა დირექტორმა.

კორონავირუსის პირველი შემთხვევები დღეს, 2 მარტს დაადასტურა საუდის არაბეთმა, ანდორამ, პორტუგალიამ და ინდონეზიამ. ბოლო მონაცემებით, კორონავირუსით მსოფლიოს მასშტაბით 3 000-ზე მეტი ადამიანი გარდაიცვალა და 88 000-ზე მეტი ინფიცირების შემთხვევა დადასტურდა.

საქართველოში ამჟამად კორონავირუსის სშემთხვევაა დაფიქსირებული. კორონავირუსით ინფიცირების პირველი შემთხვევა საქართველოში 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე კი — 29 თებერვალს.

ამავე თემაზე:

გაიგეთ მეტი კორონავირუსის პრევენციის შესახებ: