პორტუგალიაში კორონავირუსის პირველი ორი შემთხვევა დაფიქსირდა. ინფორმაციას ამის შესახებ Reuters ადგილობრივ ტელეკომპანიაზე დაყრდნობით ავრცელებს.

ტელეკომპანიის ინფორმაციით, კორონავირუსის პირველი შემთხვევა დაუფიქსირდა პირს, რომელიც იტალიაში მგზავრობდა, მეორე შემთხვევაში კი პაციენტი ესპანეთიდან დაბრუნდა. ორივე მათგანი პორტოს ჰოსპიტალში გადაიყვანეს.

ბოლო მონაცემებით, კორონავირუსით დაინფიცირების 89 254 შემთხვევა გამოვლინდა. ახალი ვირუსის შედეგად კი სულ 3 058 გარდაიცვალა. გარდა ამისა, 45 221 ადამიანი გამოჯანმრთელდა.

COVID-19 ყველაზე მაღალი მაჩვენებელი ჩინეთშია, სადაც ვირუსი 80 026 ადამიანს გამოუვლინდა. მაღალი რისკის ქვეყნებში ასევე შედიან სამხრეთ კორეა, იტალია და ირანი.