მონღოლეთის პრეზიდენტი ჰალთმააგიინ ბატულგა ჩინეთში ვიზიტის შემდეგ 14-დღიან კარანტინში მოათავსეს. მონღოლური სახელმწიფო სააგენტოს Montsame-ს ინფორმაციით, პრეზიდენტი ჩინეთში საგარეო საქმეთა მინისტრთან და სხვა წარმომადგენლებთან ერთად იმყოფებოდა. ვიზიტის დროს დელეგაცია ჩინეთის პრეზიდენტსა და პრემიერს შეხვდა.

CNN წერს, რომ დელეგაცია ხუთშაბათს ქვეყანაში დაბრუნებისთანავე პრევენციის მიზნით კარანტინში მოათავსეს. მონღოლეთის პრეზიდენტმა ჩინეთს მხარდაჭერის ნიშნად 30 000 ცხვარი აჩუქა.

მონღოლეთში ჯერ კორონავირუსის შემთხვევა არ დადასტურებულია. მთავრობის გადაწყვეტილებით სკოლები დაიხურება მარტის ბოლომდე და ჩინეთისთვის ნახშირის მიწოდება 2 მარტამდეა შეჩერებული.