ირანის ვიცე-პრეზიდენტს ქალებისა და საოჯახო საკითხებში, მასუმე ებტეკარს, კორონავირუსი დაუდასტურდა, რითაც ირანში მაღალი რანგის მეორე პირი გახდა, რომელიც ვირუსით დაინფიცირდა. ამის შესახებ ინფორმაციას CNN ავრცელებს.

მათივე ინფორმაციით, კორონავირუსი დაუდასტურდა ირანის პარლამენტის ორ წევრსაც.

ასევე, ხუთშაბათს კორონავირუსით გარდაიცვალა ირანში ერთ-ერთი მაღალი სასულიერო პირი, ჰადი ხოსროშაჰი.

ირანში პირველი მაღალჩინოსანი, რომელსა კორონავირუსი აღმოაჩნდა, ჯანდაცვის მინისტრის მოადგილე, ირაჯ ჰარირჩი იყო.

ამ დროისთვის ირანში კორონავირუსის 245 შემთხვევაა დაფიქსირებული, მათ შორის ვირუსით გარდაცვლილია 26 ადამიანი.