ჯასტინ და ბეკ ლორიმერები თავიანთ სამ შვილთან ერთად ავსტრალიაში ტრაილერით ანუ სახლი-მანქანით მოგზაურობენ.

ერთ-ერთი გაჩერებისას მათ მოძრავ სახლს კენგურუ ეწვია.

ცნობისმოყვარე ცხოველმა მშვიდად დაათვალიერა სახლი და როგორც ჩანს, იქ ყოფნა მოეწონა, რადგან წასვლა არც უფიქრია. ვიდეოში ჩანს, რომ ჯასტინი მის გარეთ გატყუებას ვაშლითაც ვერ ახერხებს.

კენგურუმ ბოლოს ერთი ნახტომით დატოვა საცხოვრებელი, მაგრამ აღმოჩნდა, რომ უბრალოდ სურდა მეგობრებისთვისაც გაეზიარებინა შთაბეჭდილებები.

რამდენიმე დღის შემდეგ ჯასტინის და ბეკას ტრაილერთან ერთდროულად რვა კენგურუ მივიდა და რიგში ჩამწკრივდა. საინტერესოა რას ელოდებოდნენ, ექსკურსიას მანქანა-სახლში თუ ვაშლს? ან იქნებ მოსიყვარულე ოჯახთან ერთად უნდოდათ მოგზაურობა...