საქართველოს ყოფილი პრეზიდენტი, მიხეილ სააკაშვილი მისი თანაგუნდელისა და ყოფილი პრემიერ-მინისტრის, ვანო მერაბიშვილის გათავისუფლებას. როგორ სააკაშვილი წერს, ის ამაყობს მერაბიშვილის "გაუტეხელობით, შემართებითა და სიმტკიცით"

"მივესალმები ვანო მერაბიშვილის თავისუფლებაზე ყოფნას, მრავალწლიანი უდანაშაულოდ პატიმრობის შემდეგ... ვეთანხმები, რომ ივანიშვილი აუცილებლად დასრულდება. დასრულდება არა ჩვენი პირადი გრძნობების გამო, არამედ იმიტომ, როგორც ვანომ თქვა, ჩვენს ქვეყანას სჭირდება წინსვლა და განვითარება. მოვუწოდებ ყველას შერიგებისკენ, არა წარსულისკენ, არამედ მომავლის სწორებისკენ", — წერს სააკაშვილი.

მერაბიშვილმა ციხე 6 წლისა და 9 თვის შემდეგ დატოვა. ის 2013 წლის მაისში მითვისება-გაფლანგვისა და ამომრჩევლის მოსყიდვის ბრალდებით დააკავეს. მოგვიანებით, მას სხვა ბრალდებებიც წაუყენეს — 2011 წლის 26 მაისის აქციისა და სანდრო გირგვლიანის მკვლელობის საქმეებზე უფლებამოსილების გადამეტების მუხლებით. მერაბიშვილი 2014 წელს სასამართლომ დამნაშავედ სცნო და პატიმრობა მიუსაჯა.

საკნიდან გამოსვლის შემდეგ მერაბიშვილმა განაცხადა, რომ პოლიტიკაში აქტიურად ჩართვას აპირებს. მერაბიშვილი ამბობს, რომ ციხეში ყოფნის დროს არ ჰქონდა სრულყოფილი ინფორმაცია მიმდინარე მოვლენების შესახებ და თავის თანაგუნდელებთან შეხვედრის შემდეგ გადაწყვეტს, რომელ პარტიაში გააგრძელებს პოლიტიკური საქმიანობას.