სტამბოლში პეგასუსის თვითმფრინავის ავიაკატასტროფას 3 ადამიანი ემსხვერპლა და 179 დაშავდა. შემთხვევა 5 თებერვალს გოკჩენის აეროპორტში მოხდა. თვითმფრინავიდან უვნებლად მხოლოდ ერთი ადამიანი ჩამოვიდა.

BBC თურქულ მხარეზე დაყრდნობით წერს, რომ პეგასუსის სამგზავრო თვითმფრინავში 177 მგზავრი და 6 ეკიპაჟის წევრი იმყოფებოდა. Boeing 737 იზმირი-სტამბოლის რეისს ასრულებდა. ავარიულად დაშვების დროს ის სამ ნაწილად დაიშალა. ბორტზე მყოფი ადამიანების უმრავლესობა თურქეთის მოქალაქე იყო. ადგილობრივი მედია წერს, რომ თვითმფრინავს, სავარაუდოდ, 12 სხვა ქვეყნის 22 მოქალაქე გადაჰყავდა, მათ შორის, სავარაუდოდ, იყვნენ ბავშვებიც.

ფოტო: REUTERS

BBC წერს, რომ დაფრენის დროს სტამბოლში ძლიერი წვიმა იყო. ავიაკატასტროფის გამო სტამბოლი გოკჩენის აეროპორტი დროებით დაიხურა და ფრენები გადაიდო. გავრცელებულ ვიდეოებში ჩანს, რომ მგზავრები თვითმფრინავის ერთი ფრთიდან ცდილობენ გამოსვლას.