თბილისის მერია უნივერსიტეტის ქუჩისა და წყნეთის დამაკავშირებელი სამანქანო ხიდის მშენებლობას გეგმავს. როგორც პროექტის პრეზენტაციაზე თბილისის მერის მოადგილემ, ირაკლი ბენდელიანმა თქვა, ხიდის მშენებლობა წელს დაიწყება და დაახლოებით ორი წელი გაგრძელდება. პროექტის ღირებულება კი 56 მილიონი ლარი იქნება.

როგორც ბენდელიანი ამბობს, 600 მეტრამდე სიგრძის ხიდი მდინარე ვერეს კალაპოტში აშენდება:

"მნიშვნელოვანია, რომ წყნეთსა და ბაგებში, ასევე უნივერსიტეტის ქუჩასა და ზედა საბურთალოზე იმატებს განაშენიანება და სატრანსპორტო ნაკადები. ამ თვალსაზრისით, ხიდი მნიშვნელოვნად განტვირთავს მოძრაობას თამარაშვილსა და ჭავჭავაძეზე", — აღნიშნა მერის მოადგილემ.