ათეულის მეთაურის მიერ სავალდებულო სამხედრო მოსამსახურისთვის ფიზიკური შეურაცხყოფის ფაქტზე სამხედრო პოლიციის დეპარტამენტმა გამოძიება დაიწყო. ამის შესახებ ინფორმაციას თავდაცვის სამინისტრო ავრცელებს. მათივე ცნობით, კონფლიქტის მიზეზი ათეულის მეთაურის მიერ რიგითისათვის მიცემული შენიშვნა გახდა.

უწყების ინფორმაციით, რიგითს დათვალიერებით არავითარი დაზიანება არ აღენიშნებოდა და ექიმის დასკვნის საფუძველზე, სამედიცინო დაწესებულებიდან მაშინვე გაწერილ იქნა აღნიშნული დაწესებულებიდან.

"მიმდინარე გამოძიებით დგინდება, რომ ლოჯისტიკურ სარდლობას დაქვემდებარებულ ერთ-ერთ სამხედრო ნაწილში ათეულის მეთაურმა ფიზიკური შეურაცხყოფა მიაყენა სხვა ათეულის რიგითს. საქმეზე მიმდინარე გამოძიების ფარგლებში თავდაცვის სამინისტრო ატარებს შესაბამის მოქმედებებს და გამოძიების შედეგების შესაბამისად გაატარებს კანონმდებლობით გათვალისწინებულ ყველა ზომას", — ნათქვამია თავდაცვის სამინისტროს განცხადებაში.