ძლიერი მიწისძვრა მოხდა ცოტა ხნის ცენტრალურ იტალიაში. მიწისძვრის ეპიცენტრი ისტორიული დასახლება ნორჩადან 6 კილომეტრში იყო. აშშ-ს გეოლოგიური კვლევების სამსახურის ინფორმაციით, მიწისძვრა ადგილობრივი დროით დილის 7 საათსა და 40 წუთზე მოხდა (თბილისის დროით 10:40). მიწისქვეშა ბიძგების სიმძლავრემ 6,6 მაგნიტუდა შეადგინა.

ამ დროისთვის არსებული ინფორმაციით, ნორჩაში მიწისძვრამ დაანგრია წმინდა ბენედიქტეს ბაზილიკა და სხვა არაერთი ისტორიული ნაგებობა.

ორი ძლიერი მიწისძვრა იტალიაში 27 ოქტომბერსაც მოხდა. ამ დღეს ბიძგები ამატრიჩედან 80 კილომეტრში დაფიქსირდა, სადაც აგვისტოს მიწისძვრამ სამასამდე ადამიანის სიცოცხლე იმსხვერპლა.