კლერ დეინსი ამბობს, რომ მას შემდეგ რაც ლეონარდო დიკაპრიოსთან ერთად Romeo + Juliet-ში გადაიღეს, როუზის როლიც შესთავაზეს ჯეიმს კამერონის Titanic-ში, თუმცა მან უარი თქვა.

სამი ემის მფლობელმა ვარსკვლავმა ამის შესახებ დექს შეპარდის პოდკასტში ისაუბრა:

კლერ დეინსი 1996 წლის ფილმში Romeo + Juliet

ფოტო: Bazmark Productions

"მეხიკოში ლეოსთან ერთად ეპიკური რომანტიკული ფილმის გადაღება ახალი დასრულებული გვქონდა და აქ აპირებდნენ ტიტანიკის გადაღებასაც, მაგრამ ფილმში ჩემს თავს ვერ ვხედავდი. იმ დროს მე და ლეოს საერთო მენეჯერი გვყავდა, ოფისში ვიყავით, მე აივანზე ვიდექი, რაც სასაცილო იყო (რომეო და ჯულიეტას ცნობილი სცენის გამო), ლეო კი პარკინგზე მანქანით წრეებს უვლიდა. ვიცოდი, რომ ფილმში მონაწილეობას განიხილავდა, მოულოდნელად მან ამოიხედა და თქვა: "თანახმა ვარ, თანახმა ვარ", და ვხედავდი, რომ დარწმუნებული არ იყო, მაგრამ გადაწყვეტილება მაინც მიიღო. ვიცოდი, რატომაც დათანხმდა ამ როლს, თუმცა ვუთხარი, რომ მე ამისთვის მზად არ ვიყავი".

ამერიკელი მსახიობის სიტყვებით, ის გადაწყვეტილებას არ ნანობს, რადგან მზად არ იყო იმ პოპულარობისთვის, რაც ფილმს ხვდა წილად:

"ამის შემდეგ, მახსოვს, რომ 1998 წლის ფილმის, The Man in the Iron Mask პრემიერაზე წავედი და როდესაც ლეო ოთახში შევიდა, იატაკი მის მხარეს გადაიხარა. ყველა, ვინც ოთახში იყო, მისკენ გაეშურა და ეს ცოტა საშიში იყო. მგონი ამას წინასწარ ვგრძნობდი და ვიცოდი, რომ მზად არ ვიყავი".

კლერ დეინსი და ლეონარდო დიკაპრიო Romeo + Juliet-ის პრემიერაზე

ფოტო: WireImage

კლერის უარის შემდეგ, როლი ავტომატურად მიიღო ქეით უინსლეტმა, ფილმი კი სენსაციად იქცა და 11 ოსკარი მიიღო. კინოაკადემიამ უინსლეტი საუკეთესო ქალი მსახიობის ნომინაციაზეც წარადგინა, თუმცა ჯილდო ჰელენ ჰანტს ხვდა ფილმიდან As Good as It Gets.