ამერიკელმა მომღერალმა ბილი აილიშმა გრემის ნომინანტების გამოცხადებისას ერთი რეკორდი უკვე მოხსნა, როგორც ყველაზე ახალგაზრდამ 6 ნომინაციით, თუმცა ამას არ დასჯერდა და მორიგი რეკორდი უკვე დაჯილდოებაზე დაამყარა.

თინეიჯერმა მუსიკოსმა ცერემონიაზე ყველა მთავარ კატეგორიაში გაიმარჯვა და ყველაზე მეტი ჯილდოც მიიღო. დაჯილდოება ისტორიული იყო როგორც აილიშისთვის, ისე გრემისთვის — მან ტეილორ სვიფტის რეკორდი მოხსნა და გახდა ყველაზე ახალგაზრდა მუსიკოსი, რომელმაც წლის საუკეთესო ალბომის ნომინაციაში გაიმარჯვა.

აილიში ამერიკის ხმისჩამწერმა აკადემიამ შემდეგ ნომინაციებში დააჯილდოვა:

  • წლის საუკეთესო სიმღერა;
  • წლის საუკეთესო ალბომი;
  • წლის საუკეთესო ახალგაზრდა შემსრულებელი;
  • წლის საუკეთესო ჩანაწერი;
  • წლის საუკეთესო პოპ ვოკალური ალბომი.

ის ასევე გახდა პირველი ქალი მუსიკოსი, რომელმაც ერთ წელიწადში გაიმარჯვა ამდენ მთავარ კატეგორიაში. აილიშმა პირველი გრემი წლის საუკეთესო სიმღერის ნომინაციაში მოიპოვა.

აილიშს დიდი გამარჯვება ალბომმა, When We All Fall Asleep, Where Do We Go? და სინგლმა Bad Guy მოუტანა.

"მეგონა ამ ჯილდოს არიანა მიიღებდა", — თქვა სცენაზე ასულმა აილიშმა წლის საუკეთესო ალბომის ნომინაციაში გამარჯვების შემდეგ.

ამავე თემაზე: