დე-ფაქტო აფხაზეთის უზენაესი სასამართლოს გადაწყვეტილებით, არაღიარებული რესპუბლიკის პარლამენტის დეპუტატს, ნოდარ კვიცინიას რუსი ბიზნესმენისა და მისი თანაშემწის გატაცება-მკვლელობის გამო 16 წლით პატიმრობა მიესაჯა.

ApsnyLife-ის ინფორმაციით, ნოდარ კვიცინიამ რუსი ბიზნესმენი, სერგეი კლემანტოვიჩი და მისი თანაშემწე, ოქსანა სკარედნოვა თანამზრახველებს გაატაცებინა და სანაცვლოდ გამოსასყიდის სახით მოითხოვა $2 მილიონი.

მას შემდეგ, რაც ბიზნესმენმა ფულის გადახდაზე უარი განაცხადა, ის კვიცინიას ბრძანებით თანაშემწესთან ერთად მოკლეს და აფხაზეთის ერთ-ერთ სოფელში დაკრძალეს. სამართალდამცავებმა მოკლულთა გვამები მხოლოდ 2013 წელს აღმოაჩინეს.