ერთიანი ნაციონალური მოძრაობა ხელისუფლებას დღის ბოლომდე აძლევს ვადას, რომ ამერიკის სენატიდან დეკემბრის თვეში მიღებული წერილი გაასაჯაროვოს. წინააღმდეგ შემთხვევაში ამას ნაციონალური მოძრაობა გააკეთებს. ამ თემაზე ბრიფინგზე სალომე სამადაშვილმა ისაუბრა.

"მინდა მოვუწოდო საქართველოს ხელისუფლებას, გაასაჯაროვოს წერილი, რომელიც მიღებული აქვს ჯერ კიდევ დეკემბერში აშშ-ის სენატიდან და კონკრეტულად იმ კომიტეტიდან, რომელიც მუშაობს სანქციების საკითხზე კონკრეტულად უცხო ქვეყნების ხელისუფლების წარმომადგენლებთან მიმართებაში. თუ ხელისუფლება სენატიდან მიღებულ წერილს არ გაასაჯაროებს დღის ბოლომდე, ჩვენ გავასაჯაროებთ ამ კომუნიკაციასაც იმისთვის, რომ საზოგადოებამ იცოდეს, რელაურად რა საფრთხის წინაშე დგას", — თქვა სალომე სამადაშვილმა.

სამადაშვილის თქმით, ვაშინგტონიდან "უპერეცედენტო კომუნიკაცია" ნიშნავს იმას, რომ დღეს საქართველოს მართავს ხელისუფლება, რომელიც რუსულ ინტერესებს ატარებს. მან ასევე აღნიშნა, რომ საქართველოს საერთაშორისო პოლიტიკური პარტნიორები ქვეყანაში ცვლილებებს ელოდებიან.

გუშინ, 24 ინვარს საქართველოს მთავრობას კრიტიკული გზავნილები კიდევ ორმა კონგრესმენმა გამოუგზავნა. კონგრესმენმა ბრაიან ბაბინიმ დაწერა, რომ ქვეყნის ისტორიაში პირველად, საქართველო და ქვეყნისთვის გაწეული რესურსები საფრთხილო და ნეგატიურ კონტექსტში განიხილება. კონგრესმენმა პეტ ოლსონმა კი განაცხადა, რომ კორუმპირებული საქართველოს მთავრობა თავს ესხმის დემოკრატიულ ღირებულებებს.

ამერიკელმა კონგრესმენებმა საქართველოს პრემიერ-მინისტრს რამდენიმე კრიტიკული წერილი მისწერეს, რომელშიც სხვადასხვა საკითხს ეხმიანებიან, მათ შორის ანაკლიის პორტს, ოპოზიციის ლიდერების წინააღმდეგ მიმდინარე გამოძიებებსა და არჩევნებს.

გაიგეთ მეტი: