საქართველოს პრეზიდენტის, სალომე ზურაბიშვილის უარყოფითი შეფასების მაჩვენებელი კიდევ უფრო გაიზარდა და ახლა უკვე მოსახლეობის 54 პროცენტი ფიქრობს ასე. საზოგადოებრივი აზრის კვლევის შედეგები NDI-მ გამოაქვეყნა.

ფოტო: NDI

თუკი ეს მაჩვენებელი აპრილში 30 პროცენტი იყო, ივლისში 40 გახდა, ხოლო ნოემბერში 54. ამ პერიოდის გახდა ცნობილი, რომ სალომე ზურაბიშვილმა მძიმე დანაშაულისთვის ბრალდებულები შეიწყალა. ის ასევე უარს ამბობდა აქტიური პოლიტიკური მოვლენების შეფასებაზე. მაშინ, როცა რუსთაველზე მოქალაქეები პროპორციულ არჩევნებს ითხოვდა, ის სალობიეში ვახშამზე იყო.

ეროვნულ დემოკრატიულმა ინსტიტუტმა (NDI) კვლევა 2019 წლის 19 ნოემბრიდან 13 დეკემბრის ჩათვლით ჩაატარა. საქართველოს მასშტაბით (ოკუპირებული ტერიტორიების გამოკლებით), 2 180 (გამოპასუხება 35) პირისპირ ინტერვიუს წარმომადგენლობითი შერჩევის საფუძველზე გამოიკითხა. საშუალო ცდომილების ზღვარი 1,9 პროცენტია.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC — საქართველო.