ხანგრძლივი მოლოდინის შემდეგ, გუშინ BBC-მ გვამცნო, რომ შერლოკის ახალი სეზონის პრემიერა I იანვარს შედგება. ალბათ, იფიქრეს დანაშაულის გამოსასყიდად საახალწლო საჩუქარს გაგიკეთებთო.

რა გველოდება მომდევნო სეზონში? თრილერი საკმაოდ უცნაური და ბუნდოვანია.

"რაღაც მოხდება, ეს აღარ არის თამაში", საკმარისია მხოლოდ ეს ფრაზა მოისმინო შერლოკის ბაგეებიდან და მიხვდები, რომ წინ რთული სეზონი გელოდება. გაურკვეველი, მძაფრი და მორიარტის გარეშე?

"შეიძლება ეს მორიარტია, შეიძლება არა", თვით მაღალაქტიური სოციოპატიც ვერ გარკვეულა უნდა ველოდოთ თუ არა ბოროტების ნაპოლეონს მომდევნო სეზონში. თუმცა, აბა რის ფანები ვართ თუ სამომავლო იმედები არ დავსახეთ და დეტალებს არ დავაკვირდით. ვინ ამოიცნო სანაპიროზე მიმავალი ადამიანის უკანა ხედში მორიარტის დახვეწილი და ამაყი ნაბიჯები?

შეიძლება ეს მორიარტია, შეიძლება არა. იმედია სეზონი თავბრუდამხვევი, ამოუცნობი და ინგლისური დახვეწილობით სავსე იქნება. სამწუხაროდ, თრეილერი არ გვაძლევს მსუყე მასალას და არც ბევრი ინფორმაცია გაიმეტეს ჩვენთვის. მაგრამ ამდენწლიანი მოლოდინის შემდეგ მეც და შერლოკის შემქმნელებსაც სჯერათ, რომ ერთგული მაყურებელი მოუთმენლად დაელოდება პირველ იანვარს, მიზეზი კი მარტივია We are SHER-LOCKED.