აშშ-ში, ვისკონსინის შტატის ქალაქ მილუოკიში მძღოლმა ბავშვებს ცეცხლი მას შემდეგ გაუხსნა, რაც ისინი მიმავალ მანქანებს თოვლის გუნდებს ესროდნენ. სროლის შედეგად 12 წლის გოგო და 13 წლის ბიჭი დაშავდნენ.

CNN-ის ინფორმაციით, შემთხვევა შაბათს, 4 იანვარს მოხდა. მილუოკის პოლიციის განცხადებით, ბავშვებმა თოვლის გუნდები თეთრ ტოიოტას ესროლეს, მძღოლმა კი მათ ცეცხლი გაუხსნა.

პოლიციის ინფორმაციით, ბავშვების სიცოცხლეს საფრთხე არ ემუქრება და ადგილობრივ საავადმყოფოში მკურნალობას გადიან. პოლიცია მანქანის მძღოლს ამ დრომდე ეძებს.