ვისაც სახლში კატა ჰყავს, იცის, რომ ეს გაიძვერა ცხოველები ჩვენი ყურადღების მისაქცევად ყველაფერზე არიან წამსვლელები.

როდესაც ვამბობთ, რომ "ყველაფერზე", ნამდვილად ასეა, რადგან დღეს მოგიყვებით კატაზე, რომელმაც არც მეტი, არც ნაკლები 2 432-ნაწილიანი ფიგურა, რომელსაც პატრონი 7 დღის განმავლობაში აწყობდა, ერთი კლანჭის მოსმით გაანადგურა.

პატრონმა, რომელიც ტაილანდში, სათამაშოების მაღაზიაში მუშაობს, თითქმის მთელი კვირა დაუთმო ამ გიგანტური ფიგურის გაკეთებას:

როგორც ჩანს, მთელი ამ დროის განმავლობაში ცხოველი ყურადღების ნაკლებობას განიცდიდა და არნახული შურისძიება მოაწყო.

ძლივს აწყობილი ფიგურა სახლში დაბრუნებულ პატრონს მთლიანად განადგურებული დახვდა.

თუმცა, თუ კარგად დააკვირდებით, მიხვდებით, რომ ცხოველის გამომეტყველებაში ერთი ბეწო სინანულიც კი არ ჩანს.

კატამ მიზანს მიაღწია, და ამჯერად არამხოლოდ საკუთარი პატრონის, არამედ ათასობით ადამიანის ყურადღების ცენტრშიც მოექცა, რომლებიც ამ სახალისო ფოტოებს ინტერნეტში გამოეხმაურნენ — ფეისბუქზე პოსტს ძალიან მოკლე დროში 63 ათასზე მეტი მოწონება და 72 ათასი გაზიარება ჰქონდა.