სახალხო დამცველმა ახალი პროექტი - დისკრიმინაციის ყველა ფორმის წინააღმდეგ ბრძოლა საქართველოში დააანონსა.

პროექტის მიზანია დისკრიმინაციის დაუშვებლობის შესახებ საზოგადოებაში ცნობიერების ამაღლება. პროექტი ითვალისწინებს სახალხო დამცველის აპარატის ფუნქციების გაძლიერებას მოწყვლადი ჯგუფების, შშმ პირების, პატიმრების, ქალების, კონფლიქტით დაზარალებული ადამიანების უფლებების დაცვის გაძლიერების მიზნით. გარდა ამისა, თანასწორობის დეპარტამენტის საზედამხედველო ფუნქციების გაზრდას ქვეყანაში დისკრიმინაციის აღმოფხვრისა და თანასწორობის უზრუნველყოფის მიზნით.

პროექტის ფარგლებში გათვალისწინებულია მასწავლებლების, ხელისუფლების ადგილობრივი წარმომადგენლებისა და სამართალდამცავი ორგანოების რეგულარული ტრენინგები, ყოველწლიური კამპანია ყველა განსხვავებული-ყველა თანასწორი, ყოველთვიური შეჯიბრი მე ომბუდსმენი, ვიდეორგოლი დისკრიმინაცია ჩვენს გარშემო და სხვადასხვა პერიოდული და სპეციალური ანგარიშები.

პროექტი ევროკავშირის დაფინანსებით ხორციელდება და ის მომავალი სამი წლის განმავლობაში იფუნქციონირებს.