საქართველოს პრემიერ-მინისტრი, გიორგი გახარია, საქართველლოს პატრიარქს, ილია მეორეს დაბადების დღეს ულოცავს. პრემიერის მისალოც ტექტს საქართველოს მთავრობა ავრცელებს.

"უდიდესი პატივისცემით ვულოცავ დაბადების დღეს მის უწმინდესობას, სრულიად საქართველოს კათოლიკოს-პატრიარქს ილია მეორეს. ჩვენი პატრიარქის ღვაწლი ჩვენი ერის სულიერების ამაღლების საქმეში ფასდაუდებელია. მთელი მისი მოღვაწეობა არის განსახიერება სიდარბაისლის და სიბრძნის, სამშობლოს სიყვარულის, სიკეთის, სულგრძელობისა და მიმტევებლობის. ვუსურვებ ჩვენს პატრიარქს დღეგრძელობასა და ჯანმრთელობას ჩვენი ერისა და ქვეყნის საკეთილდღეოდ", — ნათქვამია გახარიას მილოცვაში.

პატრიარქი ილია მეორე დღეს, 4 იანვარს, 87 წლის გახდა.