ექვსი წლის განმავლობაში რუსეთის პრეზიდენტმა უკრაინის პრეზიდენტს ახალი წელი პირველად მიულოცა. ინფორმაციას ამის შესახებ კრემლი ავრცელებს. ბოლოს ვლადიმერ პუტინმა ახალი წელი 2013-ში უკრაინის პრეზიდენტ ვიქტორ იანუკოვიჩს მიულოცა.

პრესსამსახურის ინფორმაციით, ვლადიმერ პუტინი უკრაინის პრეზიდენტ, ვოლოდიმირ ზელენსკის 31 დეკემბერს ტელეფონით ესაუბრა. მათივე თქმით, სატელეფონო საუბარი უკრაინის მხარის ინიციატივით შედგა.

პუტინმა და ზელენსკიმ გაზის ტრანზიტის შესახებ ახალი ხელშეკრულებისა და დონბასთან ტყვეების გაცვლის მნიშვნელობაზე ისაუბრეს. მათ ერთმანეთს ახალი წელი მიულოცეს.

ზელენსკი და პუტინი ერთმანეთს პირველად 9 დეკემბერს ნორმანდიული სამიტის ფარგლებში შეხვდნენ. აღნიშნულ სამიტზე მხარეები შეთანხმდნენ, რომ დონბასი და კიევი ტყვეებს გაცვლიდნენ.