ჰონგ-კონგში აქციის მონაწილეები მსვლელობით შევხდნენ ახალ წელს. BBC-ის ცნობით, ათი ათასობით დემონსტრანტმა დემოკრატიის მარშში მიიღო მონაწილეობა.

მიუხედავად იმისა, რომ შეკრება მშვიდობიანი იყო, დრო და დრო დაპირისპირებები ხდებოდა. პოლიციამ ცრემლსადენი გაზი და წყლის ჭავლი გამოიყენა, რათა ქუჩა გაეთავისუფლებინა.

ახალი წლის ღამეს დემონსტრანტებმა რამდენიმე კილომეტრის მანძილზე ცოცხალი ჯაჭვი შეკრეს და ერთად დაითვალეს წამები 2020 წლის დადგომამდე. ისინი სკანდირებდნენ:

"ათი! ცხრა! გაათავისუფლე ჰონგ-კონგი, რევოლუცია ახლა!"

ფოტო: AP

ფოტო: REUTERS/Tyrone Siu

ფოტო: Anthony Kwan/Getty Images

ფოტო: REUTERS/Lucy Nicholson

ფოტო: REUTERS/Navesh Chitrakar

ჰონგ-კონგში სადავო საექსტრადაციო კანონის გამო დაწყებული დემონსტრაციები თვეებია არ წყდება. ახალი კანონის თანახმად, დაკავებულ პირს განაჩენს ჩინეთის სასამართლო გამოუტანს, რასაც ჰონგ კონგელების დიდი ნაწილი არ ეთანხმება.

ჰონგ-კონგს დიდი ბრიტანეთის კოლონიის სტატუსი 1997 წელს ჩამოერთვა და ჩინეთის შემადგენლობაში იმ პირობით შევიდა, რომ ფართო ავტონომია ექნებოდა, გარდა თავდაცვითი და საგარეო საკითხებისა, ის დამოუკიდებლად მიიღებდა გადაწყვეტილებებს.

მაშინდელი ლიდერები საზოგადოებას დაჰპირდნენ, რომ ჰონგ-კონგი, მაკაო და შეერთების შემთხვევაში ტაივანი, შეინარჩუნებდა პრინციპს — ერთი ქვეყანა, ორი სისტემა.