პრემიერ-მინისტრი გიორგი გახარია ამბობს, რომ მთავრობის პრიორიტეტი ქართული ტრადიციებით ევრო-ატლანტიკური ალიანსის წევრობაა. ამის შესახებ მან დღეს, 30 დეკემბერს, გამართულ მთავრობის სხდომის დაწყებისას განაცხადა.

მისივე თქმით, რამდენი წელიც არ უნდა დასჭირდეს, საქართველოს თითოეული მოქალაქე თანმიმდევრულად გააგრძელებს ევრო-ატლანტიკური კურსის მხარდაჭერას.

"ჩვენი მოქალაქეების უდიდესი ნაწილი, 70%-ზე მეტი, ერთხმად უჭერს მხარს ქვეყნის ევრო-ატლანტიკურ ინტეგრაციას. ეს არის ის მიმართულება, რომელიც არის უკიდურესად მნიშვნელოვანი ჩვენს საგარეო პოლიტიკაში. რამდენი წელიც არ უნდა დასჭირდეს საქართველოს თითოეული მოქალაქე თანმიმდევრულად გააგრძელებს. სწორედ ამიტომ, ჩვენი მთავრობის უმნიშვნელოვანესი პრიორიტეტი არის ქართული ტრადიციებით, ქართული კულტურული იდენტობით მივაღწიოთ ევროატლანტიკური ინსტიტუტების სრულფასოვან წევრობას", — განაცხადა გახარიამ.