ნიუ-იორკის შტატში უცნობი კაცი ჰანუკას წვეულების დროს რაბინის სახლში შეიჭრა და ხუთი ადამიანი დანით დაჭრა. ორთოდოქსი იუდეველების საზოგადოებასთან ურთიერთობის საბჭოს განცხადებით, დაჭრილთაგან ორი კრიტიკულ მდგომარეობაშია.

"სახლში ათობით ადამიანი იყო", — განაცხადა საბჭოს ერთ-ერთმა თანადამფუძნებელმა, იოსი გესტეტნერმა.

თავდასხმა ნიუ-იორკის შტატის ქალაქ მონსიში 28 დეკემბერს, საღამოს მოხდა. სავარაუდო თავდამსხმელი დაკავებულია, თუმცა თავდასხმის მოტივი ჯერ უცნობია.

შტატის გენერალური პროკურორი ლეტიცია ჯეიმსი ამბობს, რომ მომხდარით შეძრულია. ნიუ-იორკის პოლიციის კონტრტერორისტულ განყოფილებაში აცხადებენ, რომ სიტუაციას აკვირდებიან.