ყოველდღიურ ცხოვრებაში ყველაზე დიდ ყურადღებას ძირითადად ნეგატიურ შეფასებებს, შენიშვნებსა თუ კომენტარებს ვაქცევთ. არადა ჩვენ გარშემო ადამიანები ხშირად გამოთქვამენ დადებით მოსაზრებებს, თუ რა ლამაზად გვაცვია, როგორი სასიამოვნო ღიმილი გვაქვს ან რა ერთგული მეგობრები ვართ, თუმცა ასეთ შეფასებებს უფრო მარტივად ვივიწყებთ, ვიდრე — ცუდს.

იმის გამო, რომ ხშირად ჩვენი მისამართით ნათქვამ კომპლიმენტებს აინუნშიაც არ ვაგდებთ, უმეტესად სხვებისთვის კარგის სათქმელად საკმარისი მოტივიაცაც არ გვაქვს. არადა, აი, ქართული კინოც კი გამოდგება იმის დასტურად, თუ როგორი აუცილებელი, მარტივი და სასიამოვნოა დადებითი შეფასების გაზიარება.

შეამოწმე, როგორ გახსოვს ქართული კინოს გმირების მიერ ნათქვამი კომპლიმენტები, რომლებიც, შესაძლოა, სანიმუშო მაგალითადაც გამოგადგეს.

ტესტი: გამოიცანი კომპლიმენტი ქართული ფილმიდან

ტესტის დაწყება

1 / 9 რომელ ფილმში ამბობენ ამ ცნობილ ფრაზას: "დათა ძიას ახალი ცოლი სიმპათიურია, ძალიან სიმპათიური"?

2 / 9 ვის ეუბნებიან შემდეგ ფრაზას: "ნეტავი ჩაიდენდეთ რამე დანაშაულს. მერე მე წაგიყვანდით ჩემთან, ციხეში, ისე გიყარაულებდით, ცივ ნიავს არ მოგაკარებდით"?

3 / 9 რომელ ფილმში ამბობენ ამ ფრაზას: "რა დიდებულ ქალს ჰყვარებიხარ"?

4 / 9 რომელ ფილმში ამბობენ ამ დაუნანებელ კომპლიმენტს: "ეჰ, ქალბატონო დეიდა, თქვენ სწორედ ის ადამიანი ბრძანდებით, როგორიც მე წარმომიდგენია, რომ ადამიანი უნდა ბრძანდებოდეს"?

5 / 9 ფილმში "სიყვარული ყველას უნდა" რა უპასუხა ხირხალამ ამ შეკითხვაზე ბაბულას: "გახსოვს, ხირხალ, რა გოგო ვიყავ?"

6 / 9 ფილმში "ჯარისკაცის მამა" ვის/რას ეუბნებიან შემდეგ ფრაზას: "შენ აქ საიდან გაჩნდი, შე ბარაქიანო, ჰა? რა მარჯვენამ მოგიყვანა აქ, შე ჯიშიანო, შენა?"

7 / 9 რომელ ფილმში ამბობენ შემდეგ ფრაზას: "დილაადრიანი სალამი ჩვენი პლანეტის ულამაზეს მანდილოსნებს"?

8 / 9 ფილმში "სიყვარული ყველას უნდა" ვის ეუბნებიან ამ ფრაზას: "იგრე ხართ, როგორც ყველი და პური"?

9 / 9 რომელ ფილმში მოისმენთ ასეთ დალოცვას: "შენი ჭირიმე შენია, ჯამს წვეთიც არ შერჩენია, შეგარგოს ვაზის ნაჟური, ვაჟი ყოფილხარ ვაჟური"?

იტვირთება...
ერთი წუთით...