ცხოვრების დაძაბული ტემპის გამო ყოველდღიურად უამრავ უარყოფით ინფორმაციას ვიღებთ და ვამუშავებთ, ასეთ პირობებში კი საახალწლო განწყობაზე დადგომა მარტივი არაა. ალბათ, ბრიტანელ მეცნიერებს უკვე ექნებათ ამ თემაზე ნამუშევარი, თუმცა ჩვენ ჩვენი დაკვირვებით გეტყვით, რომ გულწრფელ ნათქვამ თბილ სიტყვას ან კომპლიმენტს ჯაჭვური რეაქციის გამოწვევა შეუძლია: ის აღვივებს ადამიანებს შორის ნდობას, კარგ ხასიათზე გვაყენებს და, რაც მთავარია, უფასოა. დადებითი ემოციიდან უარყოფითზე გადასვლა მარტივია, უარყოფითიდან - დადებითზე დასაბრუნებლად კი, როგორც წესი, ბიძგი გვჭირდება.

სწორედ ეს მარტივი დაკვირვება უდევს საფუძვლად თიბისი დაზღვევის ახალ კამპანიას #კაისთქმამოსულა, რომლის ფარგლებშიც თიბისი დაზღვევამ 200 კომპანიას და, შესაბამისად, მათ Facebook გვერდებს გულწრფელი კომპლიმენტები ჩამოურიგა. ამ კომპანიებს შორის თვითონ თიბისი დაზღვევის კონკურენტებიც იყვნენ. რატომაც არა, ისინიც იმსახურებენ შექებას!

ეს ამბავი ორი კუთხით არის აღსანიშნავი:

1. ქართულ ინტერნეტსივრცეში ძალიან იშვიათად გვხვდება ბრენდებს შორის გასაუბრებები და ხუმრობები, რის გამოც იმ მხიარულებას ვაკლდებით, რომელიც, მაგალითად, ამერიკელი მომხმარებლისთვის ჩვეულებრივი ამბავია.

2. როცა ფეისბუქის გვერდებზე კოორდინირებული მოქმედების შესახებ ვიგებთ ხოლმე, როგორც წესი, თავში კომპლიმენტების ტალღა ნამდვილად არ წარმოგვიდგება. არადა, პრინციპში, რატომ? თითოეულ აღებულ მომენტში უამრავი კარგი რამის თქმა შეგვიძლია იმ ადამიანებზე, რომელთაც ყოველდღიურად ვხედავთ და იმ კომპანიებზე, რომლებიც ცხოვრებას გვიმარტივებენ.

თიბისი დაზღვევის მიზანია, ადამიანებს კარგის აღნიშვნის მოტივაცია გაუჩინოს და დაანახოს, რომ ხშირად აქვთ შესაფერისი დრო და სიტუაცია სადაც, #კაისთქმამოსულა.

ჯიპიაი ჰოლდინგი და გამომცემლობა წიგნები ბათუმში

კაცები

AT.ge

ვენდუ და მინისო

Giffer და ალდაგი

არც ჩვენ დავრჩენილვართ უყურადღებოდ ^_^

საკმარისია გაიხსენოთ, როგორ დაფასებულად ან აღიარებულად იგრძენით თავი, როცა შეგაქეს და აუცილებლად გაგიჩნდებათ სურვილი, ეს განცდა სხვასაც გაუზიაროთ. თიბისი დაზღვევამ ამ მიმართულებით პირველი ნაბიჯი უკვე გადადგა, დანარჩენი კი ჩვენზეა დამოკიდებული.

ერთად შეგვიძლია, რომ #კაისთქმა ბევრად უფრო მარტივი გავხადოთ.