თბილისში ოპერის შენობა ინგრევა. ინფორმაცია ამის შესახებ ტელეკომპანია ფორმულამ გაავრცელა.

ტელეკომპანია აცხადებს, რომ ამ საკითხზე კულტურის სამინისტროსა და ოპერის წარმომადგენლები არ დაელაპარაკნენ, მოქალაქეები კი არხთან საუბრის დროს ამბობენ, რომ შენობის ნაწილი დაზიანებულია. ფორმულას გავრცელებულ კადრებში ასახულია ოპერის თეატრის დაზიანებული შენობაც.

ოპერის თეატრმა ამ საკითხზე განცხადება დღის ბოლოს გაავრცელა. თეატრში აცხადებენ, რომ "მიწის ქვეშ გრუნტის წყლებმა მიმართულება შეიცვალა, რომელსაც შესაძლოა საფრთხე შეექმნა შენობის ნაწილისათვის".

"რესტავრაციის შემდგომ შენობა იდეალურ მდგომარეობაში იყო, მაგრამ გამომდინარე იქიდან, რომ რუსთაველის გამზირი გეოლოგიურ-ჰიდროლოგიურად არასტაბილურ ზონად ითვლება, მდებარეობს მთაწმინდის ფერდზე და მის ქვეშ გადის გრუნტის წყლები, სახელმწიფოს მხრიდან მუდმივად იმყოფება მეთვალყურეობის ქვეშ", — აცხადებენ თეატრში.

თბილისის ზაქარია ფალიაშვილის სახელობის ოპერისა და ბალეტის სახელმწიფო თეატრის რესტავრაცია-რეაბილიტაცია 2015 წელს დასრულდა. სამუშაოები ფინდმა ქართუმ დააფინანსა.